जयंत चे विचार

         *जिल्हा परिषद शाळा महूचा विजयरथ* म्हणतात ना एकदा चांगल्या कामाला सुरवात झाली की मग ते अविरत पणे चालत राहते. तसेच काहीसे जिल्हा परिषद शाळा महूचे कार्य सुरू आहे. अनेकानेक चांगल्या सुविधा उपलब्ध करून देत आत्ताच तालुकास्तरावर सुंदर शाळा म्हणून दुसरा क्रमांक पटकावला आहे. आता शाळेचे नवीन इमारतीचे काम जोराने सुरू आहे. भविष्यात मुलांना पाण्याची कमतरता भासू नये म्हणून शाळा समिती आणि ग्रामस्थानी शाळेत पाण्याची बोर घ्यायचे ठरवले आणि जणू काही *ज्ञानंगंगेच्या दारी जलगंगा* अवतरली इतकं जबरदस्त पाणी इथे लागले. आता शाळेल्या पहिल्या क्रमांकाने जिंकून आणण्याचा मानस शाळा समितीने, शिक्षकांनी, विद्यार्थ्यांनी आणि ग्रामस्थांनी केला आहे.  अतिशय जोमाने चाललेल्या या उपक्रमाचे अभिनंदन आणि सर्व झटणाऱ्या लोकांचे आभार.  जयंत जगताप

जन्मदिवस म्हणजे त्या व्यक्तीला निरोगी, आनंदी अस शतायुषी होण्याच्या शुभेच्छा देणे हे असते,  यासोबतच आम्ही एक नवीन उपक्रम सुरू केला आहे तो म्हणजे त्या व्यक्ती विषयी व्यक्त होणे. त्याचबद्दल ज्या सकारात्मक गोष्टी असतील, त्याचे कार्य असेल, त्याचा संघर्ष असेल, समाजासाठी केलेले काम असेल मित्रासाठी दिलेले क्षण असतील, स्वभाव गुण असतील याबद्दल बोलणे आणि त्यांना नवप्रेरणा देणे. यातून जे चैतन्यमय वातावरण तयार होते ते शब्दात सांगण्यापलीकडे आहे.  अशीच ऊर्जा मला काल भेटली त्याबद्दल सर्वांचे खूप खूप आभार. आपलाच जयंत जगताप जन्मदिवस वाढदिवस साजरे करावे की नाही करावे, अनेक ग्रूप वर येणारे असंख्य वाढदिवस मेसेज बघता लोकांमध्ये संभ्रम असतो की अरे यार या ग्रूप वर जेव्हा बघावे तेव्हा वाढदिवस शुभेच्छा असतात फक्त. मग अनेकजण कंटाळून ग्रुप सोडतात. 

वंदना मावशी एक कर्मयोगी  3 तारखेला झालेल्या अपघातात आकस्मिकपणे आपल्यातून विकास देवाघरी निघून गेला. काल तेरावा झाला आणि आपल्या हिंदू मान्यतेनुसार त्याचा स्वर्गाकडील प्रवास सुरू झाला.  अतिशय खडतर अशा परिस्थितीतून मावशीने तिचा संसार उभा केला. नीलम रूपी कन्येच्या पाठीवर मोठ्या मुलाचे नाव विकास आणि धाकट्याचं आकाश ठेवले. आणि खरोखर विकासला मोठे करत करत घरचा विकास असा केला की आकाशाला गवसणी घातली. काबाड कष्ट केले. एकटीने शेती, घर, सासू सासरे सांभाळत संसार उभा केला. कडकडीत काटक अशी शरीरयष्टी, सगळ्यात मोठा भाऊ आणि त्यावर चार बहिणीत सगळ्यात लहान अशी ही वंदना मावशी. लहानपणीच आई वडिलांचं छत्र हरपल आणि भावाने हिचा सांभाळ केला. 3 बहिणीच लग्न होईन सासरी गेल्या आणि ही भावाच संसाराचा आधार बनून आधी माहेरी राबली. शेती, भाती घर चालवणे लहान वयातच शिकली. लग्न होऊन पानसत आली. एकुलता एक मुलगा असलेला नवसऱ्याच्या घरात सून म्हणून आली आणि घरचा कायापालट केला. नीलम, विकास आणि आकाश रुपी पुत्ररत्न झालीत. सासरकडील पाहुणे खूपच कमी अगदी नसल्या सारखीच. तेव्हा हिला आधार भेटला तो तिच्या बहिणींचा. हिच्या बहीणी हिचे आ...

             झांजा शिवाजी गोळे  पश्चिम महाराष्ट्रात यात्रा म्हटले की देवाचा छबीना हा एक अतिशय महत्वाचा असा कार्यक्रमाचा भाग. ताज्या यात्रेच्या रात्री भागातील 100 ते 150 ढोल वादक गावात येऊन मंदिरासमोर एक स्वरमय अशा ठेक्यात ढोलवादन करतात त्याला छबीना असे म्हटले जाते. या छबिन्याला लयबद्ध करण्याची, सर्व ढोलक्यांना एक तालावर घेऊन यायचं आणि मग कधी वर कधी खाली ठेके घेऊन रुमाली बसवायची याची जबाबदारी असते ती झांजा वर.  दोन हातात झांज घेऊन योग्य असा दाब देत आवाज वर खाली करत जागेवर गिरकी घेत योग्य असा ठेका घ्यायला लावत भागात एक उत्तम असा झांजा म्हणून लावलौकिक मिळविले पानस गावचे सुपुत्र झांजा शिवाजी गोळे.  लहानपणी अनेक ढोलक्या म्हणून ढोल घेत अनेक गावे फिरले शिवाजीदादा तरुणाईत काही वर्षे मुंबईत कामधंदा करायला गेले, पण तिथे मन रमले नाही. 1993 ला पुन्हा गावी येत शेती आणि गाई म्हशी सांभाळत आपला वारकरी सेवेत रमू लागले. न चुकता वारी करणारे वारकरी शेती करून वेळ मिळू लागला तसे पुन्हा ढोल घेऊन गावोगावी छबीने गाजवू लागले. कालांतराने गुढग्याचे दुखणे वाढले आणि ...